Çin COVID-19 əleyhinə sprey-vaksini bazara 2-3 ildən sonra çıxaracaq

XəbərlərBəyənilmişlərə əlavə edin
İstifadəçi

Çin COVID-19 əleyhinə sprey-vaksini bazara 2-3 ildən sonra çıxaracaq

Honkonq Universiteti tərəfindən nazal aerozolu (buruna sprey vurulması) formasında hazırlanan koronavirusa qarşı vaskin yalnız iki-üç ildən sonra istehlakçılar üçün əlçatan olacaq.

“Report” TASS-a istinadən xəbər verir ki, bu barədə “South China Morning Post” qəzeti məlumat yayıb.

Nəşrin məlumatına görə, preparat hələ ki klinik sınaqların ilk mərhələsindədir. “Sınaqlardan 10-dan çox adam iştirak edib. Bu vaksinin son dərəcə təhlükəsiz olduğunu görür və yaranan antikorların səviyyəsini izləyirik”, - tədqiqat qrupunun üzvü, professor İvan Hunq Fan-nqay bildirib.

Bu vaksinin hətta uşaqlar üçün istifadə edilməsinə də icazə veriləcəyi gözlənilir: çinli mütəxəssislər altı aylıq körpələr üçün belə uyğun olacaq məhsul hazırlamağa çalışırlar. Bundan əlavə, mövcud təsirsiz hala gətirilmiş inyeksiyalardan fərqli olaraq, bu vaksindən iki yox, bir doza qəbul etmək kafi olacaq.

Qəzetin yazdığına görə, belə preparatın ən ciddi yan təsiri qısamüddətli yüngül baş ağrısı və burnun dolması olacaq.

Qeyd edək ki, analoji məhsulların hazırlanması üzərində Honkonqdan başqa, Avstraliya və Finlandiyada da mütəxəssislər çalışırlar.

Xəbərlər:

Aid olduğu ölkə

ÇXR, Digər ölkələr

Məlumatlar

Məlumat ID-si: 2069
Baxılıb: 16
Əlavə edilib:
Redaktə edilib: 24-04-2021
Bitmə tarixi: 24-04-2022
Kateqoriyalar: Tibb və Sağlamlıq