Dünya gözəli Karolina Curi (Caroline Jurie) müsabiqə iştirakçısını səhnədə yaraladığı iddiasıyla Şri-Lankada tutulduqdan sonra girov müqabilində sərbəst buraxıldı. 

Yerli KİV-lərin verdiyi məlumata görə, "Mrs Sri Lanka 2021" müsabiqəsinin qalibi Puşpika De Silva, Karolina Curi haqqında şikayət ərizəsi verib. Belə ki, "Mrs Sri Lanka 2021" qalibi elan edildikdən bir neçə dəqiqə sonra, keçən ilin qalibi Curi , De Silvanın boşandığını bildirib və tacı onun başından zorla çıxararaq ikinci yerin qalibinə taxıb.

Pushpika De Silva Facebook hesabında ərindən ayrı yaşadığını lakin boşanmadığını açıqlayıb.

Qeyd edək ki, "Mrs World" 1984-cü ildən bəri evli qadınlar arasında keçirilən gözəllik müsabiqəsidir.