Avtomobil alanda və ya nömrəsini dəyişəndə sığortaya görə necə cərimələnməyək?

QeydlərBəyənilmişlərə əlavə edin
İstifadəçi

Avtomobil alanda və ya nömrəsini dəyişəndə sığortaya görə necə cərimələnməyək?

[Press-DDD] Əksər sürücüləri maraqlandıran suallardan biri kimi səslənən daha bir məsələyə aydınlıq gətirəcəyik. Qanunvericilik və cərimə mexanizmləri sürücüləri bu kimi məsələlərdə diqqətli olmağa çağırır. Pandemiya dövründə gəlirlərin xüsusilə diqqətlə qorunmalı olduğunu nəzərə alaraq bir anlıq məlumatsızlığın maliyyə itkilərinə səbəb olmamasına çalışmaq lazımdır.

Yeni və ya cəmiyyətdə 2-ci əl deyilən və müəyyən müddət istismar edilmiş nəqliyyat vasitəsi alan şəxslər sığorta münasibətlərində diqqətli olmalıdır. Belə ki, həmin nəqliyyat vasitəsinin əvvəlki sahibləri avtomobili sığortaladaraq sığortalı statusu əldə etdiyi üçün avtomobili satandan sonra istənilən vaxt sığorta şirkətindən sığorta müqaviləsinə xitam verməyi tələb edə bilir. Təbii ki vicdanlı satıcı sığorta müqaviləsinə xitam verməzdən əvvəl yeni alıcıya bu barədə məlumat verəcəkdir. Bəzən isə vicdansız satıcı xəbərdarlıq etmədən müqaviləyə xitam verdiyi üçün alıcı sığortasız avtomobili idarə etdiyinə görə cərimə olunur. Həmçinin nəqliyyat vasitəsinin dövlət qeydiyyat nişanı sığorta müqaviləsi üzrə eyniləşdirmədə və cərimə zamanı radarlarda aşkar edilən başlıca predmetdir. Qeydiyyat nişanı dəyişmiş nəqliyyat vasitəsi barədə dərhal sığorta şirkətinə məlumat verilməlidir. Sığorta şirkəti isə dərhal elektron-informasiya sistemində müvafiq düzəlişlər edir ki, şəxs sığortasız avtomobil idarə etməyə görə cərimə edilməsin.

Bununla yanaşı əgər qeydiyyat nişanını bir nəqliyyat vasitəsindən digərinə keçirirsinizsə də, yenə sığorta şirkətinə məlumat verib, düzəliş etdirmək öhdəliyiniz var. Belə ki, hadisə zamanı qeydiyyat nişanı olan avtomobilin məlumatları ilə sığorta müqaviləsində qeydiyyatda olan və qeydiyyat nişanının əvvəl taxıldığı avtomobil məlumatları arasında ziddiyyət olduqda sığorta şirkəti “mən əvvəlki maşını sığortalamışam” – deyərək, ödəniş verməkdən imtina edəcək. Belə olanda sürücü həm də zərər vurduğu avtomobilin xərclərinə görə məsuliyyət daşıyacaq.

Diqqətli olaq ki, cərimələnərək maliyyə itkisinə məruz qalmaqdan uzaq qalaq.

Xəbərlər:

Aid olduğu ölkə

Azərbaycan

Məlumatlar

Məlumat ID-si: 1663
Baxılıb: 32
Əlavə edilib:
Redaktə edilib: 04-04-2021
Bitmə tarixi: 04-04-2022
Kateqoriyalar: Avto